HStAOrient5a: 44r

Baʿdehū egerçi felek‑i Züḥalüñ daḫı ḥareket‑i yevmīyesi felek‑i aʿẓam ile şarqdan ġarbadur. Ammā [felek‑i ḥāmilinüñ [!] ḥareket‑i ṭabīʿīyesi] ġarbdan // şarqadur ve her bir günde ve gėcede iki daqīqa ve otuz beş // s̱ālis̱e ʿaksen ḥareket ėder. Baʿdehū Müşterīnüñ felek‑i ḥāmili ile // ḥareket‑i ġarbīyesi dört daqīqa elli ṭoquz s̱āniye on // altı s̱ālis̱edür. Ḥāmil-i Mirrīḫüñ ḥareket‑i ġarbīyesi otuz // beş daqīqa yigirmi altı s̱āniye qırq s̱ālis̱edür. Şemsüñ ḥareket‑i // ġarbīyesi her günde ve her gėcede elli ṭoquz daqīqa sekiz s̱āniye // yigirmi s̱ālis̱edür. Gendü mınṭaqasınuñ eczāsından Zührenüñ // Ḥāmili [ile ḥareket‑i ġarbīyesi] elli sekiz daqīqa on altı s̱āniye qırq s̱ālis̱e[dür]. [ʿUṭāridüñ bir derece elli sekiz daqīqa on altı s̱āniye qırq s̱ālis̱edür]. Qamerüñ // yigirmi dört derece yigirmi iki daqīqa elli üç s̱āniye qırq // s̱ālis̱e yaʿnī ẕikr olınan seyyārāt‑i sebʿa her gün felek‑i // aʿẓamuñ qaṣrı ile şarqdan ġarba devr ėderken gendü // ḥareket‑i ṭabīʿīyeleri ile ġarbdan şarqa bir gün bir gėcede bu // qadar ḥareket ėderler. Bunlaruñ ʿaksine ḥareketleri bürūc‑i s̱ānīyeye // vuṣūllerinden maʿlūm olur. Pes Güneş bir senede on // iki bürūcı ḥareket‑i ṭabīʿīyesi ile seyr ėder. Her burcı bir ayda // qaṭʿ ėder Ammā Qamer cemīʿ bürūcı ḥareket‑i ṭabīʿası ile bir ayda // seyr ėdüb her burcı iki buçuq güne qarībde qaṭʿ // ėder. ʿUṭārid üç ay altı günde Zühre sekiz ay altı günde